حملة سنحيا بالقرأن 500 ختمة للدكتور عمرو خالد

رمضان كريم وكل سنة وانتوا طيبين
أعاد الله علينا وعليكم رمضان بالخير واليمن والبركات



يا جماعة فى فكرة فكرت فيها من اول يومك رمضان
وهى فكرة مقتبسة من برنامج قصص القران للأستاذ عمرو خالد
وهى فكرة وحملة اسمها"حملة سنحيا بالقران"
فكرت فيها من اول يوم فى رمضان بس كنت مشغولة جدا ومقدرتش ادخل واقولها





وهى عبارة عن فكرة قالها فى البرنامج عبارة عن عداد على الموقع الرسمى للاستاذ عمرو خالد بحيث اى شخص يختم اى عدد من الختمات يدخل يصوت
والعداد شغاااااااااااااال
لغاية باذن الله تعالى العداد يسجل 10 مليون ختمة قران

وفكرتى هى ان احنا هنا فى المنتدى نعمل حملة قريبة من حملة استاذ عمرو خالد
وعبارة ان احنا كل يوم ندخل دايما ونكتب احنا قرأنا كام جزء
ولما نخلص كمان جزء نكتب نقول ونشجع بعض
وكل ما نخلص جزء ندخل نكتب
وهكذا لغاية ما نوصل لختمة نكتب ونقول
وبعدين نرجع نبدأ فى الختمة التانية لغاية ما نختم

عشان ميكنش حماسنا فى اول رمضان بس يستمر طول رمضان
ولما حد فينا يخلص ختمة من القران يدخل ويقول
وهيتم تعديل الموضوع ونكتب اسم اللى ختم القران مرة مثلا ولما يختم المرة التانية ندخل ونكتب ونعدل الموضوع الاساسى
وبكدة فى كل اسبوع نعمل احصائية بعدد الختمات اللى حصلنا عليها من اللى موجودين بالمنتدى فقط
وعلى اخر رمضان نحاول باذن الله نوصل ل 500 ختمة للقران الكريم


معنى كدة حملتنا على اصحاب كول مشابهة لحملة استاذنا الفاضل عمرو خالد
بس عدد الختمات اقل من اللى على موقع عمرو خالد
ليييييييييييه

طبعا عشان استاذ عمرو خالد عامل الحملة دى لكل المسلمين على مستوى العالم

لكن هنا فى حملتنا هتكون على مستوى المنتدى فقط


بس كدة يا جماعة اتمنى الفكرة تكون عجبتكم

واتمنى اعرف رأيكم فيها ولو عجبتكم اتمنى اشوف تفاعل

يا رييييييييييت يا جماعة
لازم نحاول نوصل ل 500 ختمة للقران الكريم

هاى ملكة الرومانسية اة انا فعلا متابعة البرنامج وختمت مرة واحدة وهو اصلا برنامج جامد جدا اصلا انا بحب عمرو خالد موت مشكورة كتير ملكة الرومانسية

شكر يااحباب